बाबुराम र कमल थापाको भनाभन (भिडियोसहित)

 आफू प्रधानमन्त्री भएको भए जेल हाल्थे भन्ने एमाओवादी नेताको भनाईपछि राप्रपा नेपालका अध्यक्ष कमल थापाले पनि भट्टराईले राजालाई मान्ने सहमति गरेको खुलासा गरेपछि यो विषयले हंगामा नै मच्चाएको छ ।

थापाको उक्त खुलासामा भट्टराईले आफूले तत्कालिन राजा ज्ञानेन्द्र शाहलाई राष्ट्रपति बन्न आग्रह गरेको स्वीकार समेत गरे ।

यी दुई नेताबीच फेसबुके ठूलै युद्ध नै भएको थियो । जसमा भट्टराईल पार्टीको नीति अनुसार नै आफूले कमल थापामार्फत् ज्ञानेन्द्रलाई पहिलो राष्ट्रपति बन्न प्रस्ताव गरेको भनेर उनी डिफेन्समा बसेका थिए । तर उनै भट्टराइले सुरुमा भने आफू प्रधानमन्त्री भएको भए जेल हाल्थेँ भनेका थिए ।उक्त भट्टराईको अभिव्यक्तिलाई सामाजिक सञ्जालमा भने धेरैले खोइरो नै खनेका थिए ।

आफूले पूर्वराजाको सक्रियताबारे बलियो सूचना पाएरै अभिव्यक्ति दिएको बताएका भट्टराईले सामाजिक सञ्जाल फेसबुकमा शुक्रबार प्रस्टिकरण समेत दिन पुगे ।

लगत्तै राप्रपा नेपालका अध्यक्ष थापाले पनि भट्टराईको अभिव्यक्तिको खण्डन गरे । यसरी उनीहरुबीच फेसबुकमा युद्ध नै चलेको हो ।