हेलिकप्टर दुर्घटना, ३ जीवितै, ३ को अवस्था अज्ञात
५ असार, हुम्ला । हुम्लाको हिस्लाबाट सदरमुकाम सिमिकोटतर्फ आउदै गरेको फिस्टेल एयरको हेलिकप्टर हुम्लाकै मुचु गाविसमा दुर्घटना भएको छ । अपरान्ह ४ बजेर ४५ मिनेटको समयमा दुर्घटना भएको प्रहरीले बताएको छ ।
दुर्घटनामा चालक दलका २ सहित ४ जना यात्रु रहेकोमा तीनजना जीवितै रहेका छन् । खराब मौसमका कारण हेलिकप्टर दुर्घटना भएको हुनसक्ने प्रहरीले आशंका गरेको छ ।
उद्दारका लागि गएको प्रहरी टोली कर्णाली नदीमा पानीको बहाव बढेका कारण पारी पट्टी बसेको छ । हेलिकप्टर दुर्घटना सम्बन्धमा नागरिक उड्यान प्राधिकरणले खोजीकार्य सुरु गरेको छ ।
खराव मौसमका कारण कर्णाली नदीको किनारामा अवतरण गराउने क्रममा हेलिकोप्टर दुर्घटनामा परेको बताइएको छ । ६ जनामध्ये ३ जना बाहिर निस्किएको हुम्लाका प्रहरी प्रमुख हरिशरण भट्टले जानकारी दिए ।
हेलिकप्टरको पछाडिको भागमा आगो लागीरहेको छ । दुईजना यात्रु भित्र फसेको हुनसक्ने प्रहरीले बताएको छ ।
Comments
Post a Comment
hello hi